क्या आपको "Honor" या "Huawei" ke फोन खरीदने चाहिए ? 🤔🤔🔥🔥🔥

 

Hello doston , kaise ho aap log . Mai aaj phir se ek naya blog lekar aa gaya hoon .

Doston, Huawei ek bahut hi badi Smartphone company hai jiska hi sub-brand Honor hai.

Doston, Huawei aur Honor ke phones bahut hi acche hote hain aur yeh India mein bahut kharide bhi jaate hain. Lekin kuch mahino se Huawei ke phones USA mein banned hain jiski wajah se Huawei ke phones aur bhi  kai sari countries mein ban ho gaye hain. USA mein banned hone ke karan Huawei GMS ( Google Mobile Services ) ko apne phones mein available nahi karwa sakta aur hum sabhi jaante Google ke services humaare liye kitne zaroori hai. 

Chaliye dekhte hain aapko Huawei aur Honor ke phones India mein kharidne chahiye ya nahi :- 

Doston , jaisa ki maine aapko bataya ki Huawei aur Honor ke phones GMS ke saath nahi aate hain. Toh phir aap sochte honge ki iske phones phir chalte kaise hain. Toh main aapko bata du ki yeh HMS ( Huawei Mobile Services ) ke saath aate hain jiska matlab aapko inme koi bhi Google ke Apps nahi milenge. Lekin aap in phones mein Google ke apps download zaroor kar sakte hain. Doston , Huawei aur Honor ke phones aapko acche features aur HMS ke saath aate hain aur India mein launch bhi hote hain lekin mai aapko bolunga ki aap inke phones abhi mat kharido kyonki Google hame puri security deta hai jabki Huawei ke phones apne services ke saath aate hain jiski madad se Chinese Government humaare upar nazar rakh sakti hai jo ki humare country ke liye khatra hai. 

   Haal hi mein yeh khabar aayi hai ki Samsung Huawei ko displays ki supply band kar raha hai aur TSMC Huawei ke liye processors nahi banayega. In sabhi ke chalte Huawei ki pareshaniya badhti hi jaa rahi hai. 

        Doston , mujhe lagta hai ki Huawei apne phones ab sirf China mein hi launch karega kyonki China mein waise bhi Google ke services nahi chalte hain. Aur China ke baahar  bina Google Services ke Huawei ke phones ka koi future nahi hai.

Main aapko bolunga ki jabtak USA Huawei se ban nahi hatata tabtak aap Huawei ya Honor ke phones ko kharidne se bache kyonki India-China War ke chalte ab aisi baatein bhi chal rahi hain ki Indian Government bhi Huawei ko ban karne waali hai. Isliye aap apne paise kisi aur Smartphone brand par kharch karein. 

Mujhe aasha hai ki aapko mera yeh blog accha laga hoga. Aise hi aur bhi blogs padhne ke liye aap niche diye gaye link par click kar sakte hain. ( https://khojotechko.blogspot.com/?m=1). 

               Always keep Smiling

             🙂☺️🙂☺️🙂☺️🙂☺️🙂